തളിപ്പറമ്പിലെ തോൽവിയോട് പൊരുത്തപ്പെടാനാകാതെ സിപിഎം ഞെളിപിരി കൊള്ളുകയാണ്. അക്രമം നടത്തി നാട്ടിൽ ശല്യം ചെയ്യാനുള്ള ശ്രമത്തിലാണ് പാർട്ടി അടിമകൾ. വെള്ളിയാഴ്ച രാത്രിയും അക്രമികൾ അഴിഞ്ഞാടി. യൂത്ത് കോൺഗ്രസ് സംസ്ഥാന ജനറൽ സെക്രട്ടറി വി. രാഹുലിന്റെ തളിപ്പറമ്പിലെ വീടിനുമുമ്പിൽ നിർത്തിയിട്ടിരുന്ന രണ്ടു വാഹനങ്ങളാണ് അക്രമികൾ തല്ലി തകർത്തത്. വെള്ളിയാഴ്ച രാത്രിയാണ് അക്രമിസംഘം വീട്ടിലേക്ക് കയറി വാഹനങ്ങൾ തകർത്തത്. പ്രതികൾക്കായി പൊലീസ് തിരിച്ചിൽ തുടരുകയാണ്. അക്രമികളെ കുറിച്ചുള്ള വിവരങ്ങൾ. പൊലീസിന് ലഭിച്ചു കഴിഞ്ഞു. കഴിഞ്ഞ ദിവസങ്ങളിലും സിപിഎമ്മിലെ സാമൂഹികദ്രോഹികൾ അഴിഞ്ഞാടിയിരുന്നു. ഇതിൻ്റെ തുടർച്ചയാണ് രാത്രി വീട്ടുമുറ്റത്തുള്ള ആക്രമണമെന്നാണ് കോൺഗ്രസ് ആരോപിക്കുന്നത്. കണ്ണൂർഡിസിസി പ്രസിഡന്റ് അഡ്വ.മാർട്ടിൻ ജോർജ്ജ് സ്ഥലം സന്ദർശിച്ചു.
Violence continues. Cars were vandalized in Thaliparambi.
